جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
الأم
قصيدة للشاعرة عزة السيد
كل البشر كتبت للأم بتعبر
سألت القلب ليه ساكت
و وقفت ع جنب أفكر
ازاي أعبر لجنابك ومهما
أقول فيكي مقصر
لا لقيا حرف يكفيكي
ولا أبجدية تتسطر
بصيت ف وش الناس أدور
ع ضحكه تشبه للسكر
ملقتش غيرك انتي وبس
دى الطيبه منك تتصدر
ياللي انتي شيلتي عني سنين
ومهما أحبك مش هقدر
أكتب حروف عنك ازاي
وكل حرف بيستفسر
ازاي راح أقدر أوفيكي
حقك أنا ولا أفسر
ياساكنه جوا تكويني
وانا منك انتي مستأصل
كان بينا من بدري معاهده
وكتبنا فيها كلام أكتر
إني ع عهدك عمري
وتكوني ليا إنتي المهجر
انا طير وبيرفرف ف سماه
جوايا حبك مستعمر
وبدعي رب الكون ف علاه
يديم لي حبك ويعمر
وقالوا عني شبه أمي
وانا بكلامهم بستفخر
ربيتي فيا حب الناس
و أرضي ربي و لا أستكتر
ونقشت طلبك ف عيوني
ومهما قلت كلام أكتر
ما قدرش عن حبك أعبر
ماقدرش عن حبك أعبر
