جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم / وحيد صبري
صدقيني يا نوال الحُب فعلاً شئ عظيم مش رواية وحكاية بنشوفها فى فيلم لمدة ساعتين وبعدين ندخل ننام ونلعن فى حظنا الهباب !.
زمان لا كان محتاج ورد أحمر ولا قلوب قماش ولا ده ايه وإزاى وبكام!
الحب كان ود وإخلاص من القلب وشعور ملموس؛ الحب إحتواء وإهتمام عملي وفرحة مالية القلوب والمكان وعمره ما كان بالكلام ؛ده حتى الألوان كانت هادية أبيض وأسود صحيح لكن أناقة وذوق وأصول وناس تعرف وتقدر معنى العِشرة وإزاى تصونها وتحافظ على إستمرارها وهو ده معنى الحب؛
صدقينى يا نوال أصبح كل شئ فى حياتنا مسخ وملهوش أى طعم؛ هقولك شئ بجد أنا كرهت حتى اللون الأحمر ده وجالى منه صدة نفس من كتر مابقيت أقَلِب فى الأخبار وأشوف فى كل مكان في العالم لون الدم!.
صدقينى يانوال إحنا بقينا بعيد قوى عن الحب!
إحنا بقينا منعرفش حاجة غير إننا نقسى ونجرح في بعض!
للأسف الحب فى حياتنا أصبح هش.
وتقوليلي عيد حُب ! ده وجود الحب نفسه هو عيد عمرك كله؛بس إللى يفهم ويقدر !
الغرض… دي كانت كل وجهات النظر .
