توب جديد
صباح جديد
وشمس بتدفي القلوب
ورزق بيشارو عليك
افتح له باب
طبطب علي صدرك
وقول لساك شباب
تاهت غيوم الليل
خلاص
راحت هموم ملهاش
خلاص
طابت ثمار الحلم
صحصحت الحواس
قدم تهاني للروح
اجمع فتات الفرحة
لملم شملها
خللي الأماني العاصية
من تاني ترجع تتوب
من ذنب الغياب
في صباح جديد
وشمس صافية جاية
بتدفي القلوب
ورزق بيشارو عليك
افتح له باب
وهاتها جمايل ياااااارب
شاعر الحارة المصرية
صلاح سليمان