جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
أسما علام الأدب
بقلم الشاعرفهمى محمود حجازى
إرفع سما الإحساس واوعاك تقولي خلاص
دي الدنيا إيه غير حس مربوط مع الأنفاس
واوعاك تدوس على حد أو يوم تجور ع الناس
خليك نضيف القلب حط الضمير ع الراس
صدقني هتعيش صح بالحب والإخلاص
واوعاك تدوس على حد وراعي في الإحساس
ليجور عليك الدهر وييجي يوم تنداس
وتقول يارتني ما كنت و مشيت ورا الخناس
واقفل ببان الشر وحط ميت ترباس
وافتح ببان الحق تلقى الملك حراس
واتعلم فن الأدب عمرك مايوم تحتاس
أصل علام الأدب مش بس في الكراس
أسما علام الأدب في الطبع والإحساس
بقلمى فهمى محمود حجازى
