جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كفايه يادنيا
كلمات حموده دهمان
بكفايه قسوه بكفايه
بتطحني فيا برحايه
لحد معضمي صار قشه
والحمل ذاد على كتفي
واتشفى واتشفى
ببكايه
فبكفايه يادنيا قسوه
كفي بكفايه
تملي بمدلك ايدي وكفي
الاقيكي مكشره ف وشي
قوليلي يادنيا متخبي
هو وجودي فيكي كان ذنبي
ولا انتي لكسرتي غاويه
وقصدانه
فبكفايه يادنيا قسوه بكفايه
قوليلي ليه تملي شرقانه
بيرويكي دمعي وشقايه
وليه انا يادوب اقدر اتغدى
وانتي بتتعشي بهنايا
وحاجبه الشمس عن عيني
وفرحانه
مبكفايه يادنيا قسوه بكفايه
في ناس جواكي متنعمه وعايشه
وانا في البرد مش لاقي غير فرشه
بلملم ضلوعي جوايه
ويحضني السقيع عافيه
قوليلي ليه كرهاني وبيهم
متيمه وعاشقه
وولهانه
مبكفايه يادنيا قسوه بكفايه
من زمان وانا اقول اللي جاي أفضل
وبكره هتحلى ياواد وتتعدل
اتاري اللي بيعدي كان أسهل
ومكتوب عليا الاقي وعدي واستحمل
لحد ما ألاقي حتفي ومسوايا
بكفايه يادنيا قسوه بكفايه
كفايه يا دنيا
