كفاية جراح

كفاية جراح

أشعار : عمادالدين العيطة

ياما صبرناا وقلنا..

بكرة تيجى أفراح

والصبر تاه منناا

من كتر الجراح

ياقلبى كفاية بكى ..

ياقلبى آه م النواح

عايش لوحدك تناهد

ماشفتك ف يوم مرتاح

دا إختيارك ..

عشقت ودبت وتهت ..

مين قالك تآمن للرياح

واللى جرى لك ..

خلاك تعبت ..

وأدى الغرام غدر بك

والحزن ملى دربك

لا نافع معاه الكلام

ولا بيشفع معاه قربك

قدر خلاص على بعدك

وهانت عليه الأيام

خليك ياقلبى عايش

فى الألام ..

نفسك تنام ترتاح..

بس الزمن طاح

والحب طلع أوهام

سابك تواجه ياقلبى..

ف الرياح

سابك لوحدك .. وراح

عمادالدين العيطة