جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ازاي….
بقلمي سحر ابوالعلا
لسة بشتاق لك ليلاتي
و انده على اسمك
عارفة انك معدتش هنا
و لا يوم انادي عليك و ترد الندا
لكن كفاية انادي يرد عليّ الصدى
صدى كل حرف في اسمك
بيحكي مليون حكاية
ازاي كنا سوا
و ازاي سنين الهوى
جمعت قلوبنا
ازاي غبت عني
و ازاي لسة وعدي
باقي كما هو
و ازاي قصة حبنا
عايشة برغم بعدنا
ازاي وقف بينا الزمان
و قصتنا لسة مكملة
و ازاي كمان رغم
اللي كان
لسة تفاصيلك هنا
مالية المكان
ازاي شوية ذكريات
تكون حياة
و ازاي امبارح يبقي بكرة
و يومي رافض تبقي ذكرى
لسّاك هنا ……
لسّاها رغم غيابك عايشة
قصة حبنا.
_________&_________
سحر أبوالعلا
#السلطانة
