جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
زمن الطرابيش
أحمد عبد الدايم
زمن الطرابيش يا عيني
راجل بتحكم عليه مراته
حرام في الدنيا يعيش
..-..
زمان الراجل كان سي السيد
يؤمر ومراته تأيّد
اليوم صبح متقيّد
مقصقصالو الريش
..-..
اول ما يدخل توقوله كِنّ
تاخد أسبوع العيطة ترن
وتنزله على طول الفرن
يجيب لها العيش
..-..
ده احنا في زمن الستات
زمن الرجال خلاص راح
رجّالة عاشوا كما الاموات
بس النفس مالي الاشباح
كُنا زمان على الست نقول
ضعيفة ومكسروة جناح
اليوم صبحت تقول وتقول
على كيفيك وتقول مُباح
ولو رد يشبع ضرب
يبكي بالدمع الفضّاح
يقضي ليلة اطول من شهر
تحت النجوم في برد كياح
عايش حياته تقول آله
شغّالة بطّالة بمفتاح
ويفتح الكيس ويجيب لها معسّل تفاح
يا عيني على الرجالة يا عين
مفيش ولا راجل مرتاح
بالهم بقوا خلاص ضايعيين
جالهم ضغط وسكر واملاح
الراجل ضعيف مهزوز
لحياتة ما حقق نجاح
ونقول عليه الرحمة تجوز
نقرأ الفاتحة على الارواح
زمن الطرابيش يا عيني
