جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
لأول مرة منذ 6 سنوات فنزيولا ترسل شحنة نفط لإسرائيل..ترامب دائما خدام نتنياهو المخلص
كتب/أيمن بحر
ثبت إن كل تحرك كبير في المنطقة بيبقى وراه حسابات أعمق بكتير من الكلام الرسمي وثبت أن ترامب دائما وابدا في خدمة نتنياهو ودولة الاحتلال ويمكن هم مقدمين على خدمة امريكا نفسها وثبت أن اعتقال مادورو وزوجته وخطفهم من كاراكاس لنيويورك مش علشان تجارة المخدرات اطلاقا ده علشان مواقفه المؤيدة القضية الفلسطينية وغزة
واكبر دليل علي ده أن فنزويلا بعد التعديل وبعد مادورو وبعد ما بقه فيها نظام تابع لترامب حتى لو ادعي غير ذلك قررت تشحن أول شحنة نفط خام إلى إسرائيل لأول مرة منذ منتصف 2020، بحسب ما كشفته وكالة “بلومبرغ”.
الصفقة دي مش عادية، لأنها جاية بعد تغييرات جذرية في فنزويلا، وبعد الإطاحة بنيكولاس مادورو، وفي ظل إعلان إدارة دونالد ترامب إنها هتشرف بنفسها على مبيعات النفط الفنزويلي.
يعني إيه الكلام ده؟
يعني ببساطة إن مسار النفط الفنزويلي اتغير بالكامل.
قبل كده، جزء كبير من إنتاج فنزويلا كان بيروح للصين، لكن بعد 3 يناير اللي فات، الشحنات بدأت تتباع للهند وإسبانيا والولايات المتحدة… والآن إسرائيل على القائمة.
الشحنة دي – لما توصل – هتكون أول شحنة لإسرائيل من فنزويلا من حوالي 6 سنين، بعد ما كانت إسرائيل استوردت في 2020 قرابة 470 ألف برميل، حسب بيانات شركة “كيبلر”.
المثير أكتر؟
إسرائيل عادة لا تعلن مصادر النفط الخام اللي بتستورده، وناقلاتها في أوقات كتير بتختفي من أنظمة التتبع الرقمية لما تقرب من موانئها… وده بيخلي أي صفقة من النوع ده تحت المجهر.
السؤال الكبير هنا:
ليه أول وجهة جديدة بارزة للنفط الفنزويلي تكون إسرائيل؟
وليه الصفقة دي تحصل تحت إشراف أميركي مباشر؟
