جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
تحت الضوء – كلمة لمعالي وزير الصحة والمسؤلين أصحاب الكرفتات الشيك
✍️ بقلم / #هاني_سليم
يا معالي وزير الصحة ،
ويا كل مسئول من أصحاب الكرفتات الشيك،
اتركوا المكاتب المكيّفة قليلًا،
وانزلوا تشوفوا وجع الناس في المستشفيات الحكومية.
انزلوا شوفوا المريض اللي بيستنى سرير بالساعات،
والأم اللي بتعيط عشان حقنة مش لاقياها،
والدكتور اللي بيكافح في ظروف صعبة لا تليق بجهده،
والممرضة اللي بقت تصرخ بدل ما تطبطب.
يا أصحاب الكرفتات الشيك،
الواقع أقسى من التقارير… وأصدق من أي مؤتمر.
الناس مش ناقصة وعود، ومش محتاجة كاميرات،
الناس محتاجة ضمير صاحي وإيد تمتد فعلًا مش كلامًا.
يا معالي الوزير،
مش عايزين زيارات مرتبة ولا تصريحات محفوظة،
عايزين نشوفك بين الناس من غير عدسات،
تشوف بنفسك إن “العلاج المجاني” بقى حلم صعب المنال.
الصحة عندنا بتستغيث،
وبتنادي على مسؤول يسمع الوجع من مصدره.
بتقول: “انزلوا شوفونا قبل ما الأمل يموت فينا!”
تحت الضوء…
مش هجوم، لكن كشف للواقع.
لأن الرحمة بقت عملة نادرة،
والفقير ما بقاش ليه غير صوته وربه.
✍️ بقلم / هاني سليم
