جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
البينج
خربشات بقلم / ناجح أحمد – صعيد مصر
البينج خلاني أخطرف
طلعللي كل الأسرار
أتزغزغ أتظغطت أفرح
و أتاري كان حبك نار
خلاني أقول إني بحبك
و اشمعنى يا قلبي هتختار
البينج خلاني أخطرف
أفضفض كان بينا حوار
يا محني ديل العصفورة
الدنيا بين طبل و طار
و دماغي يا دوخة كورة
دواره في حفلة زار
كان نفسي أخد لها صورة
و صورتها في القلب قرار
و احطها على صدري إشارة
مجنونك يا ضيا و أنوار
حكاويها يا جمال الصوت
بتلفت كل الأنظار
شفايفها إن نطقت عود
تهفهف روحي تنهار
و قلبي يطلبها بشوفة
و عيوني دموعها أنهار
على وقت يعدي مش ساهل
محبوسة بين الأسوار
يا مين اللي كان يستاهل
يتعذب و يدوقها مرار
في حبك أنا شاعر ساهر
و كوتني ليالي الأسهار
شغلتني عن كل شاغل
و البينج خلاني أهاتي
غنيت لها كل الأشعار.
ناجح أحمد محمد – صعيد مصر
