جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
==== جراح و ندم ====
كبش ونادم
علِّي حاصلوا
كان ماشي
في المراح مرتاح
يرعى وياكل
وعايش حياته
والدنيا قدامه
واسعه براح
جاله كبش
يجر في شكله
خش معاه
في صراع
ونطاح ….
وهاتك ياهبد
اتهشمت قرونهم
وصار فيهم
آلام وجراح
قال الكبش
ودمه بينزف
كان مالي
بس ومالوا
كبش غشيم
أخش معاه
في نزاع وصياح
كنت عن شره
أبعد وأغني
وأعيش حياتي
في سلام مرتاح
نادم وندمي
كل يوم بيزيد
علِّي حصل
كان يجرى إيه
لو بينا سماح
بقلمي
صلاح شعبان الفيداوي
القاهرة
