بخار وطار

بخار وطار
بقلم رجب أبو الحسن

كل اللي كان..صاير زمان..
كل اللي بينا بخار وطار..
كل الحكاوي على الضفاف..
والالتفاف..
والضحكة من قلب الدمار..
كل الشعور..
والمشاعر ..
والضلال.. أطلال لروح..
أنا إبن نوح؟
أنا كانت تابع مش قرار
أنا كنت نطرة شمس طالعة..
مصباح علاء ما هتمسحيه..
أنا كنت حلمك دون مطالعة..
أنا عشته قبل ما تقرأيه.
.أنا كنت رغم جفافي زرعة..
محصود وزاد
من جذوره بتقلعبه..
يا مية خسارة على اللي خان..
يا مية ندامة على الحمار ..
كل اللي كان .. صاير زمان ..
كل اللي بينا بخار وطار
كل حضن ما بين روحين..
ما كانش حضن ما بين إيدين..
ده أنا كنت حاضن فيك أمان..
أنا كنت حاضن فيك ديار..
كل اللي كان ..صاير زمان ..
كل اللي بينا بخار وطار