الحب

لحب عند ال عرفوا الحب لا فيه ظن ولا اتهام

الحب نور بيخلي القلب طيب ما لهوش ف الخصام

بيعذر ال حبهم لو يوم ما جوش ف معادهم

وتاهوا ف الزحام

علشان فاهم ومجرب مكر وقساوة الأيام

فلما تلاقي حد بيخاف من الحب ارجع من طريقه

قوللوه من اولها خليك ف سكتك – قوللوه سلام

إن كان أول السكة خوف فأكيد آخرها هيكون ملام

وإن نطق بظلم عنك سيبوه يقول وما تردش الكلام

ما هو لو كان حبك كان عرف امتا بتكون مكتفاك الألام

كان حس بيك وانت بتصرخ من الوجع ومن قسوة الايام

كان عرف انك ما بتنطقش

علشان الألم ف اوقات بيخليك حُطام

وانت ال مش عاوز حبايبك يعرفوا

. انك بتتالم حتى من الابتسام

وبتقول جواك حرام ابكي ال حبوني عليا لحظة

وانا ال ديما كنت بضحكهم واسعدهم على الدوام

الحب لو تمام هتلاقي خطه مستقيم كله انسجام

لا فيه عوج ولا ضعف ولا ببفلت منه الزمام

هتلاقيه زي الزاجل مصمم عل الوصول

مهما كان البحر هايج ومهما كانت السما مليانة بالغمام

فيا ال بتقولوا حبينا وبتدفنوا قلوبكم ف الرمال

أيش جاب اليمام للنعام؟