جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
إنسان نظيف
شعر / خالد حامد
أيام تعدي وأيام تفوت
ناس بتحيا وناس تموت
فأعتبر وعيش شريف
كلام حقيقي وكان بجد
محدش بياخد رزق حد
فكن في حياتك عفيف
بس فين انك تلاقي
علي المحبة حد باقي
بس حد يكون نظيف
دنيا فيها الناس تغش
الكل لابس الف وش
من عيونهم يا لطيف
كلنا في الكون ضيوف
ورغم ده ملينا خوف
علي الرغيف
حزن مكتوب علي الجبين
عشت فيه طول السنين
والفرح بقي شئ مخيف
داري عني يا قلب داري
اتنسيت وده مش قراري
وكنت غني عن التعريف
ناحت البلابل علي الاغصان
والحنان تاه عن العنوان
ده كان مغيب أو كفيف
بحر حرمان غرقت فيه
وعمري ضاع ومش لاقيه
لأني عشت إنسان نظيف
