أخبار عاجلة

قصيدة هايفة

قصيدةهايفة

كلمات_ايمن_شتا

هكتب قصيدة هايفة
عشان حروفها خايفة
أصلها معدتش شايفة
النخوة في الانسان

قصيدة تكون خفيفة
كلماتها تكون ظريفة
مفيهاش حاجة مخيفة
ولا تحكي ع الاحزان

هخلي الكل يفرح
معدتش حاجة تنفع
وهشوف لنفسي مطرح
وهغير العنوان

اصل الكلمة الصريحة
بتكون ساعات فضيحة
زي الدمعة الجريحة
بتفضح الاحزان

مبلاها كلام كبير
وبلاها فزلكة
انا يعني واد خطير
ما لدنيا ملعبكة

وكتبت في المشاعر
وكتبت في الدموع
وقالو عني شاعر
وكلامي في الممنوع

ومدام الدنيا هايفة
هكتب قصيدة هايفة
عشان حروفها خايفة
أصلها مبقتش شايفة
النخوة في الانسان
….
ايمن شتا

شاهد أيضاً

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025 كتبت / #جيهان_يوسف …

بدء تجهيز انطلاق ملتقى الفن والإبداع في دورته الأولى

بدء تجهيز إنطلاق ملتقى الفن والإبداع في دورته الأولى برعاية #المخرج_بيسو_عامر كتبت الاعلامية/ #جيهان_يوسف ينطلق …