جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
انت تسال والعلم يجيب للصحة العامة
بقلم/ داليا فؤاد
اشرب قهوه ولا نسكافيه؟
– القهوه افضل وافيد
ولو هتاخد نسكافيه
يبقى بدون كريمر .
استعمل سكر ابيض ولا سكر دايت؟
– ولا ده ولا ده
يا ريت تستغنى عن الاتنين
ولو مضطر يبقى عسل نحل .
هل أكل رز ولا مكرونه؟
– الارز افضل..المكرونه يعني دقيق
و العيش البلدى افضل من الاتنين .
هل اكل فاكهه ولا اعملها عصير؟
– كلها افضل الياف اكثر
و قيمة غذائية أعلي
كورن فليكس ولا شوفان؟
– مفيش مقارنه اصلا …شوفان طبعا
لبن خالي الدسم ولا كامل الدسم؟
– كامل الدسم عشان نستفيد
بالفيتامينات اللي فيه.
زيت ذره ولا زيت زيتون؟
– جسمك محتاج الاتنين فتستخدم
زيت الزيتون على البارد .
و زيت الذرة للسخن .
أفضل نوع فيتامينات من الصيدلية؟
– كل سلطه وخضار طازج
و فاكهة بكل الالوان
كل يوم مش هتحتاج اي مكملات .
طيب أفضل (كبسولات اوميجا 3)؟
– كل اسماك (مشويه)
2-3 مرات اسبوعيا
مش هتحتاجها ان شاء الله
و أقولك على سر خطير
خد زيت حار و بذور كتان
اشرب كانز دايت ولا عصير من غير سكر؟
– ولا ده ولا ده اشرب ماء كتيييير
هل اكل مكسرات نيه ولا محمصه؟
– نيه بس اتاكد انها مش متخزنه
اشتري صن بايت ولا فورنو؟
– تقوم باكل فشار معمول في البيت.
هل ممكن اكل قطعه شيكولاته؟
– الغامقه ممتازه وتكون فوق70%
بس تكون محسوبة جوه سعراتك
و مش كل يوم .
خدوا بالكم
انتو لما تختاروا صح
بتختاروا صحتكم
