جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كل واحد في اتجاه
هي كانت وقفة جمبه.. بس كان الحب غاب.
هو كان واقف قصادها.. قلبه مستني العتاب.
كان ما بينهم الف ميل..
هو في الجنب اللي رايح..
هي مش شايفة البديل..
كل واحد منهم.. كان في اتجاه
واللي فاضل منهم..
حبة حياة..
لحظة سكوت لحظة ألم
مليانة اه..
هو دا طبع الحياة..
هي تسأل عن ماضيه
وهو يثبت حبها
هي تنكر حبه ليها
هو يحلف باسمها
الوقت فات.. لحظة سكات
الحب مات.. في قلبها
بس مش شايفة البديل
لسة فاكرة كل ليل
كل كلمة حب منه
كان يقول انا مستحيل
أن ابعد لحظة عنه
عينها مليانة بدموع
بس رفضة ضعفها
هو مستني الرجوع
بس خايف منها
هي نقطة ضعف عنده
وهو نقطة ضعفها
بس بنهم الف ميل
والنهاية فصفها
هي واقفة جمب منه
بس كان الحب غاب
هو كان واقف قصادها
قلبه مستني العتاب
….
هو فعلا حبها
بس خانها وذلها
كان يدوس على ضعفها
وهي صانت وعدها
والنهاردة جاي تاني عندها
بس بينهم الف باب
هو في الجنب اللي رايح
هي مش حمل العذاب
هو فعلا حبها
بس خانها وذلها
والنهاردة جي تطلب العتاب
بعد ايه راجعلها
بعد لما الحب غاب
جي مستني العتاب
انتو بينكم الف باب
واللي فاضل منكم
حبة حياة
لحظة سكون لحظة ألم
مليانة اه
هو دا طبع الحياة
كل واحد في اتجاه
هو دا طبع الحياة
كل واحد في اتجاه
…
ايمن شتا
