جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
طايش
كنت طايش…. بس عايش
زي صورة في حلم بايش..
زي زرع….. ورقه هايش..
بس أرضه لسة بور..
كنت حرف بين سطور..
جوة ورقة مقطعة..
حتى صورتي في الحياة..
زي هدمة مرقعة..
كنت ميت وانا لسة عايش..
كنت طايش..
..
كنت انجرح واقول مسامح..
كنت طيب وبزيادة..
وفي حياتي الجرح عادة..
كنت احب واسيب وافارق..
رامي عمري عل الهوامش..
كنت عايش..
ايوة عايش..
زي صورة في حلم بايش..
كنت طايش..
…
قلب حب الف مرة..
يا مة عشت ليالي مرة..
وانسى وابدأ من جديد..
وألقى يومي كأنه بكرة..
عمري ضيعته فهوامش..
بس عايش..
…
رامي صوري ع الحيطان
كل صورة ليها ذكري
بالتاريخ وبالزمان
كل صورة ليها فكرة
دي عن لقاءنا وحبنا
ودي عن وداعنا لبعضنا
ودي رسمة للبيت الكبير
اللي فيوم كان حلمنا
ودا اسم بنوته جميلة
كانت هتشبه بنتنا
…
بس فجاءه الحلم باش
واللي حلمته راح بلاش
يسلم القلب اللي عاش
اللي ضيع حلمنا
بأديا هدت قصرنا
وبعت حب كام سنة
دلوقتي بلعن حظنا
تسلملي يا قلبي انا
مدمت عايش
ايه يعني طايش
ولا صورة في حلم بايش
ولا زرع… ورقه هايش
ولا حرف بين سطور
ولا أرض لسة بور
ولا ميت ولا عايش
ولا حتى عل الهوامش
مش مهم…. خليني طايش..
بس عايش..
…
ايمن شتا
