جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
الموضوع كبير.
عبدالله رجب ابوعدنان
ساعات تحس انك مزنوق
ها طق ومخنوق
فتحاول تهدي نفسك
يمكن تروق
والدنيا رغم براحها
لكن عليك بتضيق
بجد الموضوع كبير
محتاج حضن
حب حقيقي لو مصنوع من كفن
مش ضعف ولا وهن
وكل حاجه ليها تمن
لكن حب الأخ عالي وغالي
ويفرق عن أي حب
وجواة سر خطير
يزعلك فتسامح
يضحكك فتكون فارح
يسمعك كلام جارح
ويحضنك تنسى زعل امبارح
يهش و ينش
بيصدق الوش
حب ما يعرف الغش
وأول حد يشيل النعش
وع القبر نفسه تطير
ويتدخل الشر
حاجات تقهر وتمر
شبع وغنى وزوجة تقر
ودمع عيني يفر
فيقل التواصل
ومخطط الشيطان ماثل
وصاحب خبيث بيواصل
فيموت جوانا حب الخير
وتتبدل الاحضان
لكن حض اخويا دفا و أمان
عنيا فتحت عليه من زمان
من صدر واحد رضعنا حنان
دالوقت نفسي اترمي ف حضنه
واقوله سامحني ومش مهم مين فينا الغلطان
انت سيد الكون و أمير
وتقلب على دراما
ابيض واسود
فيه حاجه مشتركه علامه
بين أي اخين بالحب توجد
قول معايا وردد
أخ أخ وخد نفس شهيق و زفير
