جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كتب: أحمد عبد الحميد
تداول مستخدمو مواقع التواصل الاجتماعي خلال الساعات القليلة الماضية، مقطع فيديو ظهر خلاله نشوب مشادة كلامية بين أحد العاملين في محل بوظة وبراد بمدينة نصر، وصاحب سيارة ملاكي وصلت إلى حد تهديده بسلاح أبيض.
ومن جانبه، قال صاحب محل بوظة وبراد: للأسف لحد دلوقتي إحنا مش متصورين اللي بيحصل بالضبط، بس اللي حصل كان فيه حد مقفول على عربيته، والعربية اللي قافلة عليه صاحبها عندنا في المحل، والدنيا كانت زحمة وبيبقى فيه سايس موجود كل يوم، بس للأسف يوم الواقعة حصل معاه ظرف ومكنش موجود.
وأضاف: صاحب العربية كان بيدور مين اللي قافل عليه، وبعد 10 دقائق عرف من الكاميرات إن اللي قافل عليه عندنا في المحل، وفجأة دخل المحل وفضل يزعق ويتخانق وبنته كانت وراه رافعة الموبايل وبتصور، بس اللقطة اللي نزلتها لما واحد عندي لقي إن الموضوع كبر ووالدي كان هيتضرب، رفع السلاح وعمل الأسلوب ده وقالهم اخرجوا برا، وكل ده متصور عندي في الكاميرات.
وأكمل صاحب محل بوظة وبراد: أنا فلسطيني الجنسية بس المحل أصلًا ملكية مصرية، وإحنا ناس محترمين وبنشتغل في النور، واللي غلطنا فيه اتصالحنا معاه فورًا.
