جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كتب/ أيمن بحر
بالبلدى كدة علشان منصعبش الكلام على الناس البسيطة وتفهم معنى الكلام بص حواليك.. افتح الخريطة وركز كويس:من الجنوب السودان بيغلى حرب أهلية طاحنة بين الجيش والدعم السريع آلاف الضحايا والنازحين ومصر شايلة عبء الإنسانية والحدود.
من الغرب ليبيا، بلد شقيق ممزق بين حكومتين ميليشيات مرتزقة، أطماع دول وحدودك هناك فى مرمى الفوضى
فى الشرق سيناء اللى مصر طهّرتها بدم أولادها من رجالة الجيش بعد ما كانت على وشك إنها تقع فى قبضة الإرهاب.
فلـسطين المحـتلة دم ومجـازر فى غـزة نار مشتعلة كل يوم، وتهديد دائم للمنطقة كلها.
حتى من بعيد الحوثيين بيهددوا الملاحة فى البحر الأحمر، وده بيأثر على قناة السويس اللى هى شريان حياة للعالم كله.
وسد النهضة معركة وجود بتحارب فيها مصر دبلوماسيا سياسيًا وتحط كل أوراقها على الطاولة عشان نقطة ميّة مش مجرد نهر
الإعلام الخارجى الخائن لمصر
بيلعب دور خطير فى تشويه صورة الدولة قدام العالم وبيستخدم منصات مشبوهة لنشر الأكاذيب الإعلام الإخوانى الممول من الغرب بيروج دايما لفكرة إن البلد فى أزمة وبيبالغ فى أى مشكلة داخلية هدفهم مش النقد البناء لكن إسقاط مؤسسات الدولة وزعزعة الاستقرار الدعم اللى بياخدوه مش جاى من حبهم للشعوب لكن من مخططات معادية لمصالح مصر لازم نكون واعيين ونفهم إن الحرب دلوقتى إعلامية قبل ما تكون عسكرية
ومع كل ده مصر واقفة!
واقفالك جيش مش أى جيش ده الجيش اللى اتولد من رحم حضارة وشال سلاحه مش بس عشان يحمى الحدود، لكن كمان عشان يبني جوه البلد.
النهاردة الجيش بيأمن بيقاتل، وبيشارك فى التنمية بيبني طرق وكبارى ومشروعات عملاقة وواقف على قلب رجل واحد.
واقفالك رئيس قائد مش بيتكلم كتير لكنه بيفكّر ألف مرة قبل ما ياخد قرار وبيشتغل مليون مرة من غير ما يستنى شكر قائد بيشتغل وسط نيران وبيحارب على كل الجبهات داخلية وخارجية حرب بقاء حقيقية مش رفاهية!
مهم نكون شعب، واعى فاهم، عارف قيمة البلد دى عارف إن المؤامرات مش صدفة وإنك لما تبقى قوى الكل يهاجمك لكن مفيش حد يقدر يوقعك طول ما انت متحد.
الرسالة هنا مش خوف الرسالة قوة..
اللي بيحصل حوالينا مش طبيعى مش صدفة، ومش هزار إحنا فى قلب صراع وجود وصمود مصر معجزة حقيقية بتتكتب كل يوم!
خليك واعى خليك سند لبلدك خليك فى صف وطنك.
