جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ببعت سلام يااما
كلمات الشاعر محمد عبد العزيز رمضان.
ببعت سلام يا اما
مشتاق للمسة إيد
محتاج كمان ضمه
أنا ببقى بيها سعيد
فاكره كمان يا اما
لمتنا ساعة العيد
قربك من الجنه
والبعد نار بتإيد
وبروحي هفديكي
وهكونلك أنت شهيد
لو تغضبي يا اما
الدنيا ما بتفيد
رب العباد قالها
رضاها من التوحيد
وعقوقها دا غمه
وعقابه بكرا شديد
دعواتها ليك راضيه
حصنك من التهديد
لو هحكي عن حبك
هحتاج كتير أناشيد
حبك دا مش عادي
حبك دا لونه فريد
شالت هموم عنك
لحظة ما كنت وليد
أنا حلمي يا أمي
عمرك يطول ويزيد
ولو هعيش عمري
هعجز عن التسديد
يا أغلى من عمري
جوايا وانت بعيد
أنا نفسي أحميكي
واديكي عمر جديد
من ناري بكويكي
وتعبتي من التنهيد
طب ليه أكون قاسي
وعليكي أبقى عنيد
تاجي وفوق راسي
يا أجمل المواعيد
لو تشتري الدنيا
وتبيعها إيه هيفيد
