جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
…(( ذنبه إيه الكتكوت))….
/عمر عبد الجواد عبد العزيز
ليه اليأس و ليه القنوط
ذنبه إيه الكتكوت يموت
لا انت خلقته ولا انت رزقته
ولا انت اللي فرقته ع البيوت
ذنبه إيه الكتكوت يموت
خسارة وألف خسارة
تحطهم كلهم في شيكارة
و تعاملهم كأنهم سيجارة
تدوس عليهم و تفوت …
ذنبه إيه الكتكوت يموت
حرااااااام تكتم نفسه
بعد البيض ما فقسه
وتسمع من الشيطان خبثه
ربه وهبه الحياه
تحكم عليه….. يموت !!
ذنبه إيه الكتكوت يموت
الكتكوت مخلوق ضعيف
و اللي خلقه بيه لطيف
أبعده بس عن الرصيف
و هو ياكل من بقايا القوت
ذنبه إيه الكتكوت يموت
هتروح من ربنا فين
مهما تحلف ألف يمين
الكل عليك لايمين
ربك رازق الملكوت
ذنبه إيه الكتكوت يموت
★★★★★★★★★★★
د/عمر عبد الجواد عبد العزيز
