اه يا أمي

بقلم :عبير عزت

آه يا أمي ياريتك تيجي وتضميني…….
في حضنك تدفيني تبوسيني في جبيني …..
كنتي أول وآخر محبيني ….
كنتي دايما تحسيني قبل ماينطق لساني أو تشوفي عيني ………
تقولي مالك ياقلبي ياروحي يانور عيني
عايزة أرئيكي من عيون الحاسدين وحتي من عيوني وكل اللي شافوكي وعلي النبي ماصلوش عيونك اللي كانوا علشاني ما بيناموش
أقولك مفيش ياأمي تبوسي وتضمي
كنتي بتحسيني بتداويني بتطمنيني ……….، كنتي علي الدنيا بتقويني …
روحتي ياحبيبتي وسبتيني خدتي قلبي معاكي وعمري وسنيني …..
بعدك لا حب ولاحنان لاعطف ولا أمان روحتي وسبتيني للأحزان ……
آه يا أمي وحشتيني … وحشني ضحكك . هزارك صوتك دنيتك .. حتي وحشني وأنتي زعلانه مني وبتعتبيني.. وحشني كل أيامي معاكي وسنيني
خدتي كل الحلو معاكي وللمر سبتيني …
خدتي روح قلبي معاكي وفرقتيني
نفسي أشوفك ولو في الحلم وأقولك. سامحيني . أيوة سامحيني كل علي ثانيه مكنتش تحت رجليكي الدنيا خدتني نستني أنه في يوم فراق .. فراق أعز الأحباب .. أنك ممكن تغيب عن عيني يا ضي عيني بموت من غيرك يانور حياتي اللي أنطفي ياحب عمري اللي أختفي . ياجنتي في دنيتي. في جنه الخلد ياأحن الأمهات
مش بقلمي بقلبي لقلبي عبير عزت