يا غاوي فن تعال

يا غاوي فن تعال
خواطر أغاني الأسواني
الشريف_أحمدعبدالدايم

يا غاوي فن تعال اسمع
كلام له معنى واحمد الراوي
النقد لو كُرباج يلسـع
في الوقت نفسه بيداوي
★★★★
زي المحيط فمه يبلع
لا يترك كبدة ولا كلاوي
وبن الحرام على طول يجمع
ياخذ من الفقرا رشـاوي
★★★★
يا خينا ليه كتير فينا تطمع
وفي الدنيا على إيه ناوي
وحياة ابوك يا تلات اربع
اقرب من صفر إيه هتساوي
★★★★
انت البيعد ليه ولا بتشبع
ملازم شـيطانك ومخاوي
سايق عليك النبي تسمع
ياما فيك قالوا شـكاوي
★★★★
يا خينا يومين وهتدفن بقامتك
ليه ما تعتز بقعدتك وبقُومتك
وين ما تروح تكون بقيمتك
ونفتكرك بكلام زين وحكاوي
★★★★
سيبك من كلام ناس اللهوطين
اقسم بالله حواليك ناس واطين
عاشر راجل له كيان وله وطن
موش ناس موائد الكبد والكلاوي
★★★★
وتقول انا وبتتّمطع
ولا بن الميسو الفرنساوي
البدلة والجزمة بتلّمع
نسيت بهائم مكاوي
★★★★
ومن غيط لغيط تزرع تقلع
تكسر قصب ترمي تقاوي
واخر النهار تجلس تسمع
لراديو جارك المعلم هلباوي
★★★★
عازين سـبب منك مُقنع
على شرط ما يكنش مطاوي
مين اللي كان يحلق اقرع
وينام في حوش الهلباوي
★★★★
يتغطة بشوال ومشمع
ولا كان عنده كسـاوي
والله الحرام لو كان ينفع
ما كنت انا ابقى مغنّاوي
★★★★
في الميكرفون صوتي يلعلع
نوبي وصعيدي وبحراوي
والبرد كل ليلة فيّا يلسع
يلزم لي سـت مكاوي
★★★★
وكثرت ذنوبي يارب اشفع
وعلى روحي أقرأ يا منشاوي
يا غاوي فن تعال
الشريف_أحمدعبدالدايم