جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
======= يا عيب الشوم ======
يا سلام لما
يكونوا قاعدين
وفي سيرة الناس
علطول ماسكين
مين معاه
ومين عليه
وابن مين
وأصله إيه
واللي جابت
واللي ودت
واللي راحت
واللي عدت
مُجَمَّعْ أخبار
ومراسلين
لمحينك حتى
وأنت معدي
لو من بعيد
لكل الشارع كاشفين
في إيدك إيه
ورايح فين
وعايز مين …
وفي أمورنا
ديما مقتحمين
يا عيب الشوم
على دا القوم
متسيبوا الناس
في حالهم ماشيين
ديما عايزين
يعرفوا أخبارنا
من اتجوز …
ومين هيطلق
فلان فرحان
وفلان زعلان
علطول في سيرتنا
ديما جايبين
فيها إيه
لو تنشغلوا
بس بحالكم
وتسيبوا الناس في
حالهم عايشين
بقلمي
صلاح شعبان الفيداوي
القاهرة
٥/٨/٢٠٢٤
