أخبار عاجلة

===== يا طعمية ====

===== يا طعمية ====
ياطعمية يا بنت الإيه
بنحبك بس ونعمل إيه
لو غبتي علينا ليوم
بتوحشينا منعرفشي ليه
ياطعمية يابنت الإيه
******************
ياطعمية ياطعم وريحة
ياحلوة يا جميلة مليحة
قرطاسك بعشرة جنية
ياطعمية يابنت الإيه
********************
كل يوم الصبح بدري
الناس عليكي بتجري
ديما للعيون بتغري
والكل بيبان في عينيه
ياطعمية يابنت الإيه
*********************
عارفينك إن آخرك فول
بنحبك حب مش معقول
بتوحشينا كل يوم علطول
الغني والفقير تراضيه
يا طعمية يا بنت الإيه
***********************
يا طاسة ع النار و بتغلي
وزيتها في الودان بيشجي
يقلِّب فيها ويقلي
والراجل يسلمولنا ايديه
ياطعمية يا بنت الإيه
بقلمي
صلاح شعبان الفيداوي

شاهد أيضاً

صك البقاء

صك البقاء …………. نسي الطريق شعاع القمر وفقدت العين أنوار الضياء ونزع الخريف أوراق الشجر …