يا ستنا ..

يا ستنا ..
مين زعلك كده مننا؟ ..
مش يمكن الأحكام غلط؟.
و جايز كلامي المختلط..
وصل حاجات مش قصدنا..
يا ستنا …
عارفة التلعثم لزمتي…
ساعات يولد أزمتي..
.فأرجو المسامحة…
يا أم العيون السود يا سمحة ..
الشعر ليل و الوش قمحة …
يا مليحة ف الشكل و كمان …
فصيحة القول و البيان ..
الله أكبر من عيوني لتحسدك …
يا أم الجمال سبحانه ربي أوجدك…
نعم المثال …
على الشفايف شهد سال …
و عطشان أنا …
يا ستنا …
زعلانة من قلبي اللي قاد ..
ما تزعليش ده العشق فاض …
ساعات نشوف و العين تغش …
و ساعات أكش
و ساعات ما يتشاف البياض …
من غير مساءلة
و سين و جيم لحد صاد …
أنا حبي ليكي إنحياز…
إزاي تقولي ع الحياد…
ما تزعليش من قلب طاب …
ده أنا عشقي واصل للسحاب…
و إن نوبة غبت الشوق ما غاب ..
و طيب أنا …
يا ستنا