…(( يا ريت ))…..
د/عمر عبد الجواد
يا ريتك بقربي !!
تسمع نبض قلبي
كل دقه منه
تحكيلك عن نار حبي
ياريتك بقربي !!
الشوق زاد عن حَده
و القلب يبكي من وَجًده
و الدمع سال علي خده
من طول الفراق و بُعده
ولا قادر يخبي
يا ريتك بقربي !!
يا ريتك يا طير شباكي
تاخد كل أوراقي
فيها نبضي و أشواقي
توصلها لحبيب قلبي
يا ريتك بقربي !!
يا ريت يا طير تعرف
تحكي و تشكي و توصف
أشواقي في فراقي
و تنصف ..
في الهوي قلبي .
يا ريتك بقربي !!
يا ريتك يا زماني
تعرف أد إيه بعاني
و تسمح له يعود تاني
و ألاقيه هنا جنبي
يا ريتك بقربي!!!
★★★★★★★
د/عمر عبد الجواد
شاهد أيضاً
الدرورة يشعل البخور مجددًا
كتب: سعيد بدر تم النشر بواسطة:عمرو مصباح قريبًا يحتفي الدكتور علي الدرورة بتدشين موسوعته …