ياهلترى عرفتي

ياهلترى عرفتي

بقلمي / عادل عبد الرازق
*******************
في وسط الشارع إيديكي
مفرودة عالأخر بتنادي لغريب
وشفايفك لاهي صراخ ولا سكات
وعيونك ولا دموع ولا نحيب
كل الشجر دبلت ورقاته
ولا عاد ياسمين ولا ورود
وضل عصفور ماهوش موجود
ضل الطريق بين الغروب
مداكي وسيع لكن ضيق
ومتشقق
ومتشعلق في رجل الذكريات
…
بتندهيني ولاّ بتشاوري
ولاّ لساكي بتتهجي الحروف
بتدوّري على شىء ضايع
والمواجع حبيب ملهوف
الضحكة برّاني برّاني
والجرح جوّاني جوّاني
ولا في عينيكي غير الخوف
وكأنك مش عارفاني
وكأنك ناسياني
وكأنك حد تاني
أو علامة استفهام
وشوية إحتمالات
…
أنا حبيبك بتاع الزمان
أنا بيتك أنا الأحضان
أنا مداينك
أنا الأوطان
يا هلترى عرفتيني
ولاّ اللي بينا
كان يا ما كان
***
عادل عبد الرازق