جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
* ياضاربه الودع *
كرم ميخائيل
………………..
يا ضاربه الودع
إحكي له أحوالي
قولي له إن الودع
كشفلك أسراري
قولي له قلبي إتخلع
من يوم ما شوفت عينيه
قولي قلبي إتخلق
لأجل ما يعيش ليه
قولي إنه إتسرق
وراح مني إليه
*مين يوم ماشوفته وأنا
بفكر يومي فيه
عيونه هي الدوا
وجنتي في إيديه
وشيلت حبي عشانه
وقفلت قلبي عليه
وقلت ما يستاهل
حبي إلا عينيه
*قولي له إن الروح
ساكنه جوا ف روحه
قولي علي العشاق
من الحب فين يروحوا
قولي له هو القدر
وأنا قدري مربوط بيه
وهو ليل السهر
والعمر الجاي دا ليه
*يا ضاربه الودع
حلفتك بكل غالي
لا تحكي قوام للجدع
إللي شغلي بالي
دا حبه عملي البدع
في قلبي وف كياني
قولي له إني أموت
لو حبه بعدت عنه
قولي له أني بدوب
جوا عيونه وجفنه
دا العشق زي الموت
ومدفن عشقي قلبه
#كرم ميخائيل
