و (يمكن يجى الحلم من تانى)

فى قعده اخر الليل والحر اللى حير وغرق الهدوم وخلانه نطلع براها

والامر والادل يقطع النور ويخليها كحل ويخليها مر

ماعدتش غناويك وحكاويك تسهّرنا تانى..

ماعدتش عجبانى معدتش غويانى

ولا عودت تقول تانى مواويل

خلاص خلصت الحكايه و مافيها..

ومافيش كلام تاني عشان يتقال..

غناويك بقت بايته ساكنه جامده. ..

يمر اليوم واليوم وهى قاعده وبرضو مافيش فايده

تعالى و شيلى عنى احزانى

وسيبيني..

أرمم الباقى من حياتى.. سيبنى احلم

ممكن يجى زمن تانى ..سيبنى احلم

ما يمكن يتولد امل تانى

مايمكن تتكتب القصه من تانى

وينبت الزرع اللى باقاله زمن ويشق طريقه ف الارض الشراقى تانى

ويمكن لسه الشمس بعينها بصالى .

ويمكن لسه القمر ليه كلام تانى.. سيبنى احلم

والليل والسهر ترجع معاه كل الحاجات اللى عجبانى

ممكن تسيبنى احلم.. ..

ماتقتلش فيا أحلامي..سيبنى احلم

ولو الايام دي مُرّة وعلقم

سيب انت الحلم يلون باللون اللى يحلالى

الخلاصه،،،،

عيش حلمك ارسم طريق ولونه بلون قلبك

عيش حلمك ومتخليش حد يجعله كبوس

عيش حلمك واسقيه بحب وامل

حلمك هو حياتك وعيشتك ونفسك والامل

بدون الحلم حتما سنموت

بدون الحلم ستنتهى كل الامنيات

الحلم حياه وامل

و(يمكن يجى الحلم من تانى )