وعمري ما بعت

وعمري ما بعت
بقلم رجب أبو الحسن

حبيتك عمري
وعمري ما بعت..
وبعدت ما ضعت..
أنا هفضل صاين عشرة جميلة..
ما هي أصلها كانت أجمل ميلة..
أنا لما قابلتك ملت إليك..
فلقيتك نص التاني عليك..
فرميت الحمل
وقلت ما عمرك يوم تتخلي
ولا عمر الحب في يوم هيولي
وعني اتخليت
وعليك الحمل كمان نخيت
قليت و وجعت..
حبيتك عمري
وعمري ما بعت..

اديتك مني حاجات أساسية..
اديتك قلبي..
اديتك عيني..
اديتك روحي اديتني أسية..
ولا عمري كنت عصيت لي شعور
ولا كنتي عصية ..
ده أنا كنت معشش جوه ضلوعك..
وكنت معشش جوه ضلوعي حبيبي تبات..
أنا كنت بحبك أد دموعي..
ما هو لما مشيت..
أنا وحدي بكيت ملو المحيطات..
لكن ما خاطرش الدمع و هان..
ما أنا زي الصخر ما يوم كان لان..
ولا عمري هلين..
أنا واحد غير كل التانيين..
أنا عندي يقين..
أنا عندي ضمير..
ولا عمري عليكي حبيبتي هثور..
أنا فعلا غير..
أنا عندي شعور..
ولا هعند يوم..أنا عمري عندت؟
حبيتك عمري
وعمري ما بعت

صدقتي كلام كل الخاينين..
مع انك صاحب أجمل عين.
لكن غميت..
مش فاكر مرة ف عز الليل
رنيتي صحيت..
ولحبيبتي أنا جيت..
خففت ساعتها آلام ومشيت..
ما قعدت حكيت
وبرغم إثارة ورد خدودك..
يا حبيتي و عودك..
ما قطفتش ورد لأني بصون.
يا حبيبتي وعودي..
يا حبيبتي وعودك..
يكفيني وجودك..
يكفيني الذكرى الحلوة معاكي..
يكفيني اكون في ضميرك شهم..
يكفيني اتصنف حد وعاكي..
وما راح أتعالج من ده السهم..
أنا هطمع يعني أشوف الجنة في دنيا الناس..
وادخلها كمان؟ويا ريتني دخلت..
ما عرفتش أزورك م الحراس..
مع اني حاولت..
وصبرت عشانك فوق عقدين..
وجبلين أنا شلت..
وبرغم صراع مع جيش جرار..
وبرغم عتاد وغزير الأنفار..
ومكايد فاقت شرك يهود..
أنا اخدت قرار عنك راح أزود..
إزاي تبيعيني بجرة حبر
وما خدتش نوبة قرار بالفر
ازاي تبيعيني بسعر زهيد..
وأنا معدن حر..
إزاي ببرودة دم غريب.
بتغيب ما رجعت..
حبيتك عمري
وعمري ما بعت