وداع يا أحلى نساء الكون

وداع يا أحلى نساء الكون
خواطر أغاني الأسواني
الشريف_أحمد عبدالدايم

آسف جداً غصباً عني
واحد تاني هياخدك مني
ياخد شمسي وياخد قمري
وياخد نصي إللي بيكمّلنيي
★★…★★…★★
آسف جداً وموش بإيديّا
تبقى الدنيا معاي عنديّة
والحب إللي ما بينّا يضيّع
وابكي عليكي وتبكي عليّا
★★…★★…★★
جيت بالحلال قالوا حرامي
حرموني أشوفك في احلامي
قالوا أنا فين وأنت فين
بريْ وحكموا بإعدامي
★★…★★…★★
مع إني بحبك والله
وحبك كمان حاسّه تجاهي
لكن أهلك حابيّن المال
والمال أصبح آمر وناهي
★★…★★…★★
أنسيني وانسي أحلامي
شـوفي مُسـكّنْ لِآلامي
فقير وأهلك رفضوني
عايزين غني بمقامك
★★…★★…★★
ومع الغني شايفين راحتك
رغم إني عُمري ما جرحتك
بس الفقير هيعيش فقير
وهُمّا أدرى بمصلحتك
★★…★★…★★
بس علشان خاطري كفاية دموع
باقي على زفافك أســبوع
هتاخدي واحد من توبك
وحب الفقير بيموت م الجوع
★★…★★…★★
ياريت تعتبريني صديقِكْ
ما كنش عقبة في طريقك
وعشتي أحلى سنين معاه
على فكرة يا بخته رفقيك
★★…★★…★★
وهو طيب وابن حلال
ومعاه هيتاقلك بالمال
يارب تعيشي سعيدة معاه
وتجيبي منه كوم عيال
★★…★★…★★
بس علّميّهم حُــب الناس
واملي قلوبهم بالإِحساس
وبنتك لو طلبها فقير
ما تسقيهاش نفس الكاس
★★…★★…★★
وداع يا أحلى نساء الكون
يا قلب طيّب وما بيّخون
هعيش لمين بعدك تاني
لو ليلى ضاعت قيس مجنون

وداع يا أحلى نساء الكون
الشريف_أحمد عبدالدايم