وداعا ً الشاعر الشعبي الغنائي والفنان العراقي سمير صبيح ٠٠

وداعا ً الشاعر الشعبي الغنائي والفنان العراقي سمير صبيح ٠٠ !! ٠
بقلم : السعيد عبد العاطي مبارك الفايد – مصر
—————————-
” وتموت من العطش يالماي يردونك

ويضيعونك عجيب وانتة مثل الريح
وين بيا مكان اتضيع يلكونك

مشوك بدرب ما مات جدمك بيه
وحتى اتضيع كلش شدو اعيونك

وغشو عينك وايدك مزنجلة ومجتوف
تهد هدة اسد لو ناس ينخونك

يل المغفي الجمر منقلة وبيك اتنام
وهمة رماد موكة ما يجوونك

اذا ظلك طلعته وظل وراك ايحوم
ابد لتخاف منهم ما يظلمونك

عاشرنة التعب والاه والحرمان
كلها لخاطرك ولخاطر اعيونك ٠٠ ” ٠
( من قصيدة : يردونك )
٠٠٠٠٠
” الشاعر العراقي الشعبي سمير صبيح ١٩٧٠ – ٢٠٢١ م ”
فقد نعى رجالات العراق شاعرهم الكبير سمير صبيح الذي رحل إثر حادث مروع في الحال ٠
تم تشيع جثمان الشاعر العراقي الشهير سمير صبيح من أمام منزله في قضاء النعمانية بمحافظة واسط.
و الذي وافته المنية يوم الجمعة الموفق ٢٢ أكتوبر ٢٠٢١ م ، إثر حادث سير بطريق بدرة الكوت في المحافظة
شرقي العراق.
وحدثت الوفاة فجر الجمعة، على طريق بدرة – كوت السريع، ثم نقل جثمانه إلى منزله في مدينة بسماية السكنية شرقي العاصمة العراقية بغداد، وجرى تشييعه بحضور شعبي كبير.

* نبذة عنه :
========
والشاعر “صبيح” ينحدر من محافظة واسط، لكن ولادته كانت في مدينة الصدر شرقي العاصمة بغداد عام 1970، وتوفي عن عمر ناهز 51 عاماً.
وذلك يوم الجمعة ٢٢ / ١٠ / ٢٠٢١ م ٠

وكانت انطلاقة سمير صبيح إلى الجمهور إبان مشاركته في مهرجان الرباط للشعر في المغرب، مطلع التسعينيات، وهو لم يتجاوز الـ 25 من عمره بعد.

فقد فاز بجائزة أفضل شاعر بالمهرجان نفسه آنذاك، رغم مشاركة شعراء كبار من بلده، من أبرزهم الراحل “عبد الرزاق عبد الواحد”، والراحل “عريان السيد خلف”.
و قدم أبرز القصائد والبرامج ، كما لدى سمير صبيح مئات القصائد الشعرية، ومن أهمها لدى الجمهور، هي “حجيك عالگلب، يا روحي كتابة، احركني، واشلع ما أسد”.
كذلك قدم الشاعر العراقي العديد من البرامج التلفزيونية الشعرية، ومنها:
“قوافي، السوالف، ثالثنا الهوى، شعراء الطريق، وراديو الجيل”.
و يعتبر سمير من الممثلين العراقيين الذين يقومون بدور كوميدي مميز وهو شاعر مميز بالاضافة أنه يعمل في مجال تقديم البرامج المختلفة على الشاشات، وهو خريج كلية التربية البدنية وعلوم الرياضة في جامعة بغداد ٠

و يتميز شعره بالتنوع في الشعر من خلال القيام بأشعار تعبر عن الفرح وأشعار تعبر عن الحزن، حيث لاقت رواج بين الجماهير العربية.

* مختارات من شعره :
==============
يقول الشاعر الشعبي الراحل سمير صبيح في قصيدته التي بعنوان ( انة همومي ) حيث يرسم فيها منتهى فلسفته الحزينة :
انه همومي جهال وترضع ادموع
اكضي اليل اللولي وما يهيدون
اغفي ابهذا يكعد ذاك ويلوع
ويفزون اعلى صوته ماينامون
الكبر منهم فطمته وياكل اضلوع
شسوي اشلون لو كلهم يكبرون
جنح بيه انكسر والثاني مخلوع
وطرت كوه على اعناد اليكرهون
بس اسمك نهر والماي مكطوع
وانة اعلة الجرف الهث بلعيون
اون بسكوت موش ابصوت مسموع
وانه اجروحي علج والوادم اسنون
من عرگه الفرح من روحي مشلوع
وشتل حزنه الزمان ابنص العيون
عشت عمري أبيتم ومكمط ابجوع
ورضعت الظيم من دون اليرضعون
ويمرني العيد وانه ابثوب مركوع
وعيديتي جرح عكس اليعيدون
تمنيت الوكت لو يرجع ارجوع
وانه امسودن وكولن يرجع الكون
بعده اخضر عشكنه وتوه مزروع
واجو ربعي ابمناجلهم يحصدون
يونس زين عمي ابحوت مبلوع
وانه ابحلك الشماته المايرحمون

قصيدة اشكالولك علية
شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه ٠
***
و نختم له بهذه القصيدة الغزلية الرائعة بعنوان ( تكلي اكتب عل غزل ) :
اتكلي اكتب عالغزل عن البنات
ياترافه تريدهه بشعري التفات

تكلي شعرك ليش اهات ودموع
انته حقك ما شفت خط الشروع
انته ساعة سين تعرفهه اشتلوع
الغايه تعرفهه تعرف الهاونات

شعري فك عينه لكه كباله نطاق
وبندقيه وسفري وحب العراق
حب له وحده والمواعيد التحاق
وجان موعدهم يتم بالعارضات

شعري شاف الموت ما شاف الورود
لا بنفسج لا اغاني لا وعود
الشاف ذوله كباله يكتب عالخدود
الشاف بعيونه التعوق واللي مات

هناك عندي عيون ظلت ما تنام
حته يبقه براحته يطير الحمام
هناك عالساتر عشت قصة غرام
جنت عاشك راجمه من الراجمات

وخلي اسولف لك بعد عن الحصار
والدمار الصار ما مثله دمار
ليل بغداد القصف سواه نهار
وخدج اطفال انتهو بالحاضنات
ويا ترافه تريدهه بشعري التفات

من الصبح لليل اركض عالالف
بس طماطه و خبز ويخللص نتف
ونته مني تريد اكتب عالزف
شلون يثبت بالتراجي الغافيات

ويا علاقه اليوم مابيهه دغش
والعلاقه الطيبه تنشال بنعش
اشتعتقد سوزان ترتاح الشلش
لو دهش كشاخ وتحبه نجاة

عدنه ليله تبيع بالوكفه دهن
وقيس حمال ويكد بس عالبطن
من اسالت جوليت كالت بالسجن
روميو التعبان بايك تايرات

وخلي اوكف لك دمع عيني اليسيل
عن بثينه توكفه يحجي لك قليل
عدهه ست اطفال صارو من جميل
كلهم ايجدون بالشارع حفاة
٠٠٠٠٠
رحم الله شاعرنا الغنائي الشعبي سمير صبيح ابن العراق صاحب الشعر الشعبي الذي عبر به عن أحلام و أحزان ابن الرافدين منذ نعومة أظفاره ٠
ليظل شعره خالدا مع روحه في سجل الخالدين ٠