جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج واللي ما يشرب بكفه ما يرواش
خواطر أغاني الأسواني
الشريف_أحمدعبدالدايم
قلنا دا يسد مكانه رُحنا معبرناش
صغي لكلام مراته قالت له دوّل بلاش
حسرة قلبي عالأواني وقلنا دا أبونا التاني
لكن أتضح ما يلزمناش
واللي ما يشرب بكفه ما يرواش
*…*…*…*..
لمّا الدنيا والأيام ضربونا وزي الخيل ضربونا
قلنا الوالي عليه الرحمة ود عمنا مكان أبونا
عمّنا شـيلنا الهمْ وياريتنا ما قلنا يا عم
واللي ما يشرب بكفه ما يرواش
*…*…*…*…*
ولمّا مات أبونا إخواتي أنا كبيرهم
بقيت أصبّر روحي وهم كمان أصبّرهُم
ولمّا الحِملْ عليا مال ولا لقيت عم ولا خال
واللي ما يشرب بكفه ما يرواش
*…*…*…*…*
مراته نصحته قالت له سـِيبك من ولاد أخوك
رحت له وقلت يا عمي قالي إلحق قبر أبوك
قلتله اروح هناك ممنوع ولو إحنا نموت بالجوع
كمان والله لغيره ما ندنيهاش
صحيح اللي ما يشرب بكفه ما يرواش
*…*…*…*…*
رحت أخطب منه بنته علشان يكون الود قريب
إختلق أسباب وحِجة وراح أعطاها للغريب
كنت ناوي للمودة ما أقطعها لكن هو اللي قطّعها
وكمان الله ما وصلهاش
واللي ما يشرب بكفه ما يرواش
*…*…*…*…*
رجعت أبكي من الحزن وأمي تقولي يا مسـكين
قالت لي يا ضنايا أصبر إنت بتلوم على مين
لا بيفهم ولا يكتب ولا بيقرأ ومراته عمّلهاه زى البقرة
بيخاف لتقوله هاش
ونصيحة اللي ما يشرب بكفه ما يرواش
*…*…*…*…*
اللي افتكرته مكان أبويا ما فتحش ليّا صدره
والله الدنيا غلّابة وكل واحد وقَدَره
قلت لإخواتي أمام أمي مفيش فيكم يقول يا عمي
وكمان اللي ما يشرب بكفه ما يرواش
الشريف_أحمدعبدالدايم
