هو ده شرطى

كلمات / الشاعرة حنان عيد

هو ده شرطى

انا لا هارفع صوتي ولا هزعق

ولا هملا السماء رعد وبرق

ولا هفرض على قلبك فرض

بس انا ليا عنك شرط

وقالوها زمان…. الشرط

يكون قبل الحرت

اقبله مني وافهم قلبي

انا قلبي غريب ف الحب بجد

انا قلبي عشانك… مفتاحه

لك  سلمته…. ورجعت قفلته

بعد ما خلاص… انت دخلته

بعد ما خلاص سالملك امره

وها يشيل قلبك جوه عنيه

وقلك ياما انه شاريه

ولا هايسلم على ايد بعيده

و هايبقي كل كلامك فرض

وهايقبل كل اوامرك امر

هاطوعك لو جرتني ل بحر

اول شرط اوعدني

انك متفكر غير فيه

ولا عينك تلمح بعديه

ولا ايدك تلمسها وليه

ولا تعد تحكي وترغي

ولا تسالها سؤال لوجد

انا عارفاك عينك زايغه

بتبص يمين وشمال جايبه

ايه ال هاتخده الخايبه

ممنوع

وده تاني شرط

ما تفوت ع قلبك واحده

او ترسم تاخد تلفونها

وتكلمها

وتسأل عنها

وتسهر ع النت تغازلها

وتبوس ايدها

توري لعنيك ملامحها

هاعرف على طول بتكلم مين

وساعتها مش هيكفيني فيك

اخر يوم تلمحها عنيك

ولاهي هاهنيها عليك

وده اخر شرط

لو عيني لمحت زوغانك

او بوكيهات الورد دلالك

او مره حيلتني بكلامك

او زوري أمك واخواتك

او باتي عند مرات خالك

او قلبي حس انك شارد

هاعرف على طول انك خاين

وبتخوني وهعرف مع مين

وسعتها يانهاري وليلي

على قلبك لو بص لغيري

إنساني

ومعدش… في سكات تاني

وهاصرخ بالصوت الحياني

وهدافع عنك حتى الموت

وهزعق وارقع با ١٠٠صوت

تبقي ملكي وانا سلمتك امري

و تزوغ مني

وانا نايمه وانت سايبني

وبتخدعني

ومضيع ليلك ع الشات والنت

انا عارفه ياروحي انك طيب

وكله من البت

قلبك ده حنين ورهيف

تخدك مني واحده تغظني

وانت خلاص مكتوب على اسمي

تروح وتسبني

وانا من غيرك

ياتشل ياموت

هو ده شرطي في حبي ياكتكوت

يااحب بجد يااما اموت

هو ده شرطي