همزة وصل

همزة وصل

بقلم الشاعر فهمى محمود حجازى

أنا همزة وصل بين ابويا
وبين ابني ضيا.عيني
أنا همزة مابين الأمس
والحاضر وشجرة
ممدوده بسنيني
وبين أمي اللي تاج عفة
على جبيني
وبين ابني اللي ساكن
جوه في وتيني
وغزيته من حنان قربي
عشان في الشيب يراعيني
أنا فرع من الشجرة
وباقي فروعها تحميني
ولو وقعت ولو ثمرة
قصاد عيني
آلام البعد و الفرقة بتكويني
لأن الإسم في الجملة
من الهمزة لياء عيلتي
أساس أصلي ماهوش صيني
ولأن العيلة ثبات راسخ
على ديني
وشوفوا الدم والنشأة
وحللوا جيني
تلاقوا الأصل والشجرة
أساس ثابت في تكويني
بقلم الشاعر فهمى محمود حجازى