جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
نيللي كريم “خدت كل الوحش”
متابعة/نانسي سعيد
قالت الفنانة نيللي كريم في برنامج “نجاحهن” المذاع على قناة “سكاي نيوز العربية” عن حظها في الرجال مصرحة”اخدت كل الوحش”
قائلة:”كنت فاقدة الامل خالص في الرجالة من كتر ما حظي كويس اني قابلت ناس كتير قوي كانوا وحشين جدا من ازبل لازبل خدت كل الوحش بكابورت خدته بالتدريج”
وعلقت الفنانه نيللي بطرافة على اختيارتها السابقة في الرجال بحضور زوجها “لو كان فيهم حد كويس مكنتش قابلتك ”
واضافت ايضا انها تشعر بالسعاده عندما تذهب الي الاماكن الشعبية “بتبسط وبستمتع لمًا يروح اماكن شعبية او بسيطة زي وكالة البلح او السوق لاني بقابل الناس البسيطة لان هنا دول الي بيتفرجوا علينا لما بروح اصور في مناطق شعبية بتصور مع كل الناس وبعقد اتكلم معاهم لان همًا مبسوطين بوجودي وانا باخد منهم لاني ممكن احتاج الشخصيات دي في دور”
وردت ايضا الفنانة نيللي كريم على تصنيفها متهمه بالقضايا النسوية
قائلة:”انا دائما مع القصة الحلوه والعميقة والبداية جاية من مسلسل ذات وهو يعتبر الانطلاقة الحقيقية يمكن وانا بشتغل مكنتش مدركة عمق الموضوع ونجاح المسلسل وبعتبر نفسي محظوظة اني اشتغلت مع مخرجين تقال”
وتحدث كل من الزوجين عن بعضهما قائلة الفنانة
“اتشدتله علشان بسيط وعلى طبيعته ومعندهوش فلاتر ومش مصطنع”
وقال هشام عاشور:”نيللي بني ادمة طبيعية جدا وانا بني ادم واثق في نفسه وعارف انا عملت اي وعايز اعمل اي فمعنديش اي نواقص جوايا فانا بحترم نجوميتها جدا”
وكشفت الفنانة نيللي كريم عن صعوبات تعرضت لها في خلال التصوير
“وانا بصور سجن النسا ولدتي جالها جلطة في المخ والموضوع كان مؤلم قوي واضطرت اكمل التصوير رغم كل الي حصل وانا بردوه في مسلسل ١٠٠ وش عملت حادثة موتوسيكل اثناء التصوير ورجلي اتفتحت ودخلت اوضة العمليات وتالت يوم كنت بصور في حاجات مبتقدرش تعطلني عن الشغل مهما حدث خارجيا داخل البلاتوه وبلتزم وهو بيبقى صعب بس بحافظ على الالتزام”
واوضحت ايضا الفنانة نيللي عن طبيعة الافلام التي تتمنى تقديمها استعراض وتاريخي واكشن
