جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
نهاية مؤلمة
بقلم الشاعر فهمى محمود حجازى
نهاية مؤلمة
ليه النهاية دايما بتكون
مؤلمة
حتى ف حكاوي الحب
لازم مشكلة
وكمان ختام العمر
حسبه معضلة
إرهاق وصحة ضايعة
وأمراض بتاكل جسمنا
هو ده طبعك يادنيا
ف ليه بنستغرب كده
خلينا دايما نتفق
إن المحبة زي الحياه
أخر طرقهم إننا
لازم نفارق بعضنا
بعد المحبة هجر وخصام
أو حب بيروح مننا
إما بفراق زي الحياة
والموت بيحصد عمرنا
دايما كلامي عن الحياه
وعن الأمل
وأملنا جميل في ربنا
بس الحقيقة اللي
لايمكن تبعد عننا
إن الحياه طريق عبور
لحاجة أكبرمن خيالنا
وفكرنا
إما خلود بدون عذاب
وإما رحمة ربنا
بس الحقيقة بدون رتوش
إن النهاية ف قبرنا
وان الفراق مكتوب علينا
زي اللي كانم قابلنا
والصحة بعد شبابنا
هتروح مننا
بس أملنا وحلمنا
بعد رحيل الغالي عننا
إن نقابل ربنا وخيرنا
سابق شرنا
بقلم الشاعر فهمى محمود حجازى
