جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
نظرة واحدة
رجب أبو الحسن
طب يعني نظرة هتفرق اي..
دي نظرة واحدة بالكتير أوي ثانيتين..
قل لي العينين لو يلتقوا..
أو ما التقوش مرة العينين..
راح يجرى ايه؟
خليها بكرة..
يمكن حبيبي تنوعد بالنظرنين..
بعدين تعالى خد هنا وهريحك..
من ايمتا بتراقب عيوني؟
مش كل مرة استنى يمكن ألمحك..
وكل مرة تخيب ظنوني.. ؟
ما جاتش يعني على النوبة دي..
علشان أحايل ..
مش كنت مرة هناك قصادي..
ما وصلش من عينك رسايل؟
وعلى العموم أنا بعتذر
وده بس من باب الاحتياط
أنا شوقي عدى الأفدنة
لو كنت محتاجني قيراط
سمعني إنك للأسف ..
ما لمحتنيش..
النظرة لعيوني شغف..
وبنظرة من عينك بعيش
