جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ونصيبي فين
خواطر أغاني الأسواني
الشريف_أحمدعبدالدايم
ياناس من حياتنا ملّيّنا
من الحزن عبيّنا وملينا
وفي السعادة أبداً ما لينا
قسّـموا السعادة ونصيبي فين
قالوا إيه اللي رماك عل المُر
انا قلت إللي أمرّ منه
قالوا كثر الأسى بيضُر
انا قلت بكرا يحنّوا
قالوا إيه اللي غاصبك
على الناس الغدّارين
انا قلت دا المقدّر
ومسطّر على الجبين
قالوا فين جبل الدهب
انا قلت في القلوب
قالوا مين على الصبر يقدر
انا قلت أسألوا أيوب
قالوا عندك طيلة بال
لو غالب أو مغلوب
انا قلت ومين فينا
خالي من العيوب
قالوا إيه أغلى ما في الدنيا
انا قلت الصحة وراحة البال
قالوا نقدر نشتريهم
قلت لهم موش بالمال
قالوا لي الدنيا تساوي
انا قلت ما تساويش
قالوا لي حد بينفع حد
قلت لهم لا مفيش
قالوا ليه دايماً في حالك
قلت لهم عايز أعيش
قسّـموا السعادة ونصيبي فين
الشريف_أحمدعبدالدايم
