جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
موت وانتحار
بقلم الشاعرفهمى محمود حجازى
هو من إمتى الكلام ده
ولا كان فين الزمان ده اللي خلى شطانا صاح
وف أي دين الدم استباح
اللي يقتل ويقول حبيب والله الظلم بينا أصبح مباح
وفين الرجوله لم ترفع على واحده السلاح
وتقول بحب كذاب وكذبك بالمكر فاح
اللي حب عاش بقلب جميل ماليان بالسماح
عاش عشان يسعد حبيبه ولو بعيد
حبيبه راح
المهم يشوف ساعدته وإنه عايش في إرتياح
مش بأيده يقتل ساعدته وخلى دمه ع الأرض ساح
وانت ياللي بتنتحر وتقول يارب عفوك والسماح
ده.ليل غطيس ومش هيطلع له صباح
وظلام مخيم ع العقول من إمتى دينا قال سماح
للي كفر ولا انتحر وقال على القتل مباح
د اللي انتحر ده إيمانه راح
والله قلبي بينفطر ع اللي إنقتل واللي إنتحر وقال سماح
سماح لمين إفهمونا يامسلمين
اللي إنتحر بيعصى رب العالمين
مافيش في دينا إنتحار ولاقتل ولا حمل السلاح
ياشبابنا إفهموا معنى دين ومعنى روح منك تروح
دي أمانة عندك ليه تخونها و ليه تخلي قلبنا مليان جراح
إرجعوا يازهور بلدنا للإيمان واللي قال عليه نبينا في الانتحار
إنه كفر وكله عار
وامسكوا بحبل الإله هو طو ق ليكم نجاه وإنتصار
فوز بجنة وحور كمان مش عذاب جوه قبر وبعدها عذاب فى نار
بقلم فهمى محمود حجازى
