//***من تاج لملوك***/

////////***من تاج لملوك***/////////
ياك من تاج لملوك درت تاجي
يعرفني وانا للي نعرفو
بحروفي في شطو ناجي
وانا به ياك حاضي ولفو
ف مكاني وبلى عراس نرقص
هذا عنواني امونسني
ياك من كل سوسة عرفت نخلص
وسط الشلال مايهوسني
طاعتني لحروف برب الناس
رافقاتني لسطور لقصيدة
حرقات من يكون ليا وسواس
زادني قبول زادني ثغريدة
ننسج حروفي وعلى ذوقي
ف وراق الموج غوص نتعلم
فيها ناخذ مركب شوقي
بجناحي نحلق و نتكلم
والهضرة توصلني سمايا
لحديث ياخدني لمقامو
كل خاجة عندي امرايا
وتحقق ليا سر حلامو
بقلم صقر الحروف الزجال المحجوب بوسبولة