جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
ممكن أسيبك
غنائية..بقلم خالد أحمد
…………
بتقوليلي أدخل نام
وأنا راح أجيلك في المنام
أحنا سهرنا كتير
يا سلام !
أستحالة أني أسيبك
لو حتى حتيجي في الأحلام
و تقوليلي أدخل نام
ممكن اسيبك وأبعد عنك
دانا في حياتي ماشفتش ذيك
قطة سيامي بهدوء قلبك
كروان بيغني بجمال صوتك
منيكان ممشوقة بجمال كاسمك
و تقوليلي أدخل نام
دانا يا حبيبتي عايش بيكِ
ليل ونهار بستنى معادك
أنام ازاي .. أمشي وأسيبك
يا محلى الليل وحكياته معاكِ
و تقوليلي أدخل نام
سهرة جميلة وأحلى غرام
ح تخليني سنين قدام
أحلم بيها ومقدرش أنام
ازاي بس راح اقدر اسيبك
وازاي بعدك تيجي أحلام
و تقوليلي أدخل نام
أنتِ الحلم اللي أتمنيته
وعشت حياتي بحلم بيه
مكنش في بالي انه أتحقق
والله انا فاكرة لسه منام
و تقوليلي أدخل نام
عايز قرصه .. شده في ودني
عايز احس ان أنا صاحي
عايز اشعر ان أنا عايش
دنيا جديده فتحت بابها
والحب معاكِ أهو ملأ قلبي
و تقوليلي أدخل نام
ياللي هواكِ بدل حالي
من حيران تعبان متعذب
لـ هيمان بيعد نجوم
يسهر طول الليل بيغني
أنت الحب وأحلى مافيه
و تقوليلي أدخل نام
أوعي في يوم أقوم من النوم
بكبوس هجر ولا خصام
عايز أحس بحبك ليه
يوم بيوم لسنين قدام
لحد ماربي يجمع بينا
في عش الحب و الأحلام
وأوعي تقولي أدخل نام
ممكن أسيبك
كلمات الشاعر خالد أحمد
الش
هير بـ خالد العطار
الحان عازف السمسمية
الأستاذ طارق القصاص
