جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
مكتوب عليا
بقلم الشاعر / محمد عبد العزيز محمد
كل حاجه بحبها تيجى حاجه تهدها
كل حاجه حلمت بيها ببقى ليه مش ادها
كل ضحكه ضحكتها ببكى اكتر منها
واللى حبيته فى حياتى قلبه ليه مليان اسيه
مكتوب عليا
ابقى واحده بضعفها دايما بتصبر عالوجع
ماعاشتش ابدا سنها ورضيت بكسرة قلبها
خسرت امالها وحبها فى دنيا صعبه ومتعبه
تاهت ونسيت نفسها بدارى وجعى وعامله جامده
وربى عالم باللى فيا
مكتوب عليا
الجرح يصبح قسمتى
وسكوتى بيكون كلمتى
واعطى الجميع فى محبتى
وانا قلبى بيكون الضحيه
ما اذيتش حد ولا افترى
ويبيعوا وارجع واشترى
ياما اقول لنفسى اتغيرى
وارجع واقول ماهى هى
مكتوب على قلبى الحنين
مكتوب عذابى ومن سنين
كل الانين بنساه وبصفى بكلمتين
والقلب مابيعرف يشيل
وبيرضى باقل القليل
احلامه شىء مش مستحيل
لكن نصيبه وقسمته
مكتوب على جبينك ياعين
مكتوب عليا
