جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم داليا فؤاد
يمكن معظمنا في الفترة الأخيرة سمع عن مقاومة الأنسولين، وإنها بتكون سبب رئيسي للسمنة، بس النهاردة هقولكم 4 أعراض بتنبهك لمقاومة
الأنسولين في جسمك:
زيادة الوزن هي من أشهر الأعراض الناتجة عن مقاومة الأنسولين، نظرًا لأن إرتفاع مستوى الأنسولين بيقلل الحرق في الجسم.
من ضمن أعراض مقاومة الأنسولين، ظهور بقع داكنة في الجسم، زي في منطقة الكوع، أو الرقبة، او تحت الإبطين، مع ظهور بعض الزوائد الجلدية.
الجوع الشديد بالذات بعد ما بناكل النشويات البسيطة، او السكريات، وممكن الجوع يوصل لمراحل الهبوط، واللي بتكون أعراضه رعشة، و
عصبية، وعدم تركيز .
الإحساس بالخمول والإجهاد خصوصًا بعد الأكل.
طب ولو في شخص بيقرأ البوست ده، ولاحظ إن الأعراض دي موجوده عنده، يعمل إيه؟
هنا بيكون في أنظمة غذائية لمقاومة الأنسولين هدفها نزول الوزن بطريقة صحية، بس قبل ما بنوصفها، بيكون لازم الشخص يعمل التحاليل
اللي تخلينا نتاكد إنه فعلًا عنده مقاومة أنسولين.
