جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
معلش
معلش يامحمود
احنا كده احنا كده
ومن زمان واحنا كده
وفينا أسوأ من كده
قلوبنا منزوعة الحنان
والعطف جوانا اتعدم
***
معلش يامحمـود
احنا كده احنا كده
والمولى هوه المستعان
لوشوفنا حدمعاق في عقلـه
بنعامله كأنه مش إنسان
بنهينه ونزيده جنان
نفضل ندايقه ونتعبه
وناقص علينا نرجمه
كأنه كلب أوشيطان
ومن أذانا مايترحـم
***
معلش يامحمـود
احنا كده احنا كـده
كتير بعدنا عن الإيمان
وانتا اتوجدت في زمن
قليل تلاقي فيه إنسان
بالإنسانية ملتزم
***
ياللي انتو ديماتضربوه
وتشتموه
والله انتو غلطانين
وقلوبكو عبارة عن صنم
دا كفايه انه معاق بريء
وعنه مرفوع القلم
في الآخره ربه هيسعده
ويعوضه بجنه مليانه نعم
واللي في صنع المولى عاب
في الآخرة هيشوف العذاب
في يوم ماينفعش ندم
وان كنتو انتوفرحانين
بالصحه والعقل السليم
ممكن في لحظه ينتهو
احذرو م المنتقم
***
معلش يامحمود
ربنا خلقك كده
بالشكل ده
عشان لما نشوفك
نحمده ونشكره
اننا ماحناش كده
سـُلام والصحة تمام
وميه ميه
بدون اعاقه بدون ألـم
الصبر يامحمود
يابخت اللي يبات مظلوم
ولايبات في يوم ظـَلم
•••
تعاطف
شاعرالإحساس
رضاعبدالحميد
***
