معاد ع العشا

عدي أوام……… يازمن……… دوس ع الساعات

خلي المعاد ييجي بقى……………. يكفى سكات

جوه قلبي كلام كتير……………… من وقت فات

من وقت ماورق الشجر………………. وقع ومات

تحت اقدام الخريف …………….وصبح رفات

واتقابلنا…………..اتقابلنا والشموع شاهده علينا

ع العشا كان السلام ………………..جوه عنينا

مر علينا من الوقت…………………. معرفش كام

كل اللي اعرفه اننا ………………..ولا حسينا

فجأة ….فجأة …………فوقنا على دقة رسايل

فلتت ايدينا من الدفا …………..ومن السكينة

سحبت عقولنا مننا …………..وتهنا في وادينا

زاد البعاد في القرب ……………ولنفسنا نسينا

برد العشا ……..وبردنا معاه ……وكمان رضينا

رضينا بتوهه تلمنا………وتفرق اللي فاضل فينا

تاه كل واحد مننا ف رسايله…………… و اتلهينا

عدت ثواني….. عدت دقايق…… أو ساعة يمكن

حتى العشا والشموع قالت………………… ياريت.

يااااااااريتنا . ……. ماجينا